ອິງໃສ່ຂໍ້ມູນການສຶກສາສຳຫຼວດແຫຼ່ງນ້ຳໃ

ອິງໃສ່ຂໍ້ມູນການສຶກສາສຳຫຼວດແຫຼ່ງນ້ຳໃຕ້ດິນເຂດໂຄງການບ້ານຄັງພະນຽນໄດ້ໃຫ້ຮູ້ວ່າເຂດດັ່ງກ່າວນີ້ ບໍ່ໄດ້ພົບລະບົບນ້ຳໃຕ້ດິນໄຫຼດັນ, ດັ່ງນັ້ນວິທີ່ການຄວາມຄຸມນ້ຳໃຕ້ດິນໄຫຼດັນຈະບໍ່ຖືກນຳມາໃຊ້ໃນເຂດໂຄງການນີ້.ນ້ຳໃຕ້ດິນໄຫຼຊືມອາດມີຄວາມເປັນໄປໄດ້ສູງຍ້ອນວ່າສະພາບໜ້າດິນເຂດແຫຼ່ງແຮ່ມີລັກສະນະເປັນອ່າງແລະຕ່ຳກ່ວາກູ່ມພູອ້ອມຂ້າງ, ມີຫ້ວຍນ້ຳທີ່ເປັນສະຂາຂອງບ້ານຄັງພະນຽນໄຫຼຜ່ານຂົງເຂດແຫຼ່ງແຮ່ລົງສູ່ບ້ານຄັງພະນຽນ. ສະພາບະທໍລະນີສາດເປັນຫີນດານ, ໂຄງສ້າງເປັນເຂດຮ້ອຍເລື່ອນຕັດຜ່ານ.ການລະບາຍນ້ຳໃຕ້ດິນທີ່ໄຫຼເຂົ້າບໍ່, ແບບຂຸດຄົ້ນໄດ້ອອກແບບໃຫ້ມີຄອງລະບາຍນ້ຳໃນໄລຍະຫ່າງ 3 ພັກໃດມີພັກກ້ວາງ7ແມັດເພື່ອສ້າງຄອງລະບາຍນ້ຳແລະຈະດຸດນ້ຳໄປປ່ອຍໃສ່ບໍ່ເກົ່າທີ່ຂຸດຜ່ານມາເພື່ອຮັບປະກັນການເຈືອຈາງຂອງຄວາມເປັນກົດຂອງນ້ຳຕາມຝາຜະໜັງບໍ່ ຈະມີການເຈາະຮູປະມານ10 – 20ແມັດຫ່າງກັນປະມານ10-20ແມັດຫຼືອິງຕາມສະພາບຕົວຈີງ, ຂະໜາດຂອງຮູເຈາະຈະໃຫ້ມີຂະໜາດປະມານ100ມີລີແມັດເພື່ອສາມາດໃສ່ທໍ່ PVC ທີ່ສ້າງເປັນທໍ່ລະບາຍນ້ຳຈາກຂ້າງໃນຂອງຝາຜະໜັງບໍ່ ເພື່ອເຮັດໃຫ້ ຝາບໍ່ຮັກສາຄວາມແຫ້ງຢູ່ສະເໜີ, ຖ້າຝາບໍ່ຫາກຮັກສາຄວາມແຫ້ງໄດ້ດີຈະເຮັດໃຫ້ຝາບໍ່ມິີຄວາມສະຖຽນແລະ ໝັ້ນຄົງຕະຫຼອດອາຍຸຂອງບໍ່.