ການເຟືອຍດິນປົກໜ້າຈະໃຊ້ລົດຈົກຕັກຂື້ນລົດແກ່ດິນໂດຍກົງໂດຍບໍ່ຕ້ອງລະເບີດ, ດິນປົກໜ້ານີ້ ຖ້າເປັນດິນນາແມ່ນຈະກອງໄວ້ສະເພາະເຂດຂອງດິນນາ. ສຳລັບດິນປົກໜ້າປະເພດອື່ນໆ ຈະນຳໃຊ້ເຂົ້າໃນການປະສົມກັບຫີນເພື່ອເປັນບໍລິມາດທີ່ຈະກອງໄວ້ຂອບນອກຂອງກອງຫີນເສດ.ຂະບວນການຂຸດຄົ້ນຊັ້ນດິນໜ້າປົກ (ດິນເຟືອຍ) ອອກຈາກເຂດຂຸດຄົ້ນແຮ່ແຕ່ລະເຂດຈະໄດ້ແບ່ງເປັນບລັອກຍ່ອຍໆເພື່ອຄວາມສະດວກໃນການຂຸດຄົ້ນຊັ້ນດິນ-ຊັ້ນຫີນ (ດິນເຟືອຍ) ອອກຈາກເຂດຂຸດຄົ້ນ. ການບຸກເບີກຂຸດຄົ້ນຊັ້ນດິນ-ຫີນໜ້າປົກອອກຈາກເຂດຂຸດຄົ້ນຈະຕ້ອງໄດ້ນຳໃຊ້ພາຫະນະກົນຈັກດັ່ງນີ້:ລົດດຸດ⇨ສໍາລັບບຸກເບີກ, ອະນາໄມສີ່ງກີດຂວາງຊັ້ນດິນ-ຊັ້ນຫີນໜ້າປົກ (ຕໍໄມ້, ທ່ອນໄມ້, ເສດຫີນແລະອື່ນໆ), ດຸດຕ້ອມຊັ້ນດິນເຟືອຍເປັນກອງໆ ເພື່ອຄວາມສະດວກໃນການຈົກ-ຕັກແລະເຄື່ອນຍ້າຍ.ລົດຈົກ⇨ໃຊ້ສໍາລັບຂຸດຊັ້ນດິນ-ຊັ້ນຫີນ (ຊັ້ນດິນເຟືອຍ) ອອກຈາກຊັ້ນແຮ່ແລະຈົກໃສ່ລົດບັນທຸກໄປເທໄວ້ບ່ອນທີ່ໄດ້ຈັດສັນໄວ້ລົດບັນທຸກເທຖອກ⇨ໃຊ້ສໍາລັບຂົນສົ່ງຊັ້ນດິນ-ຊັ້ນຫີນໜ້າປົກ (ຊັ້ນດິນເຟືອຍ) ອອກຈາກເຂດຂຸດຄົ້ນໄປເທຖອກໄວ້ບ່ອນທີ່ໄດ້ກຳນົດໃຫ້ຖອກ.